هل انت ام لاول مره اذا اتفضلي معانا

هل انت ام لاول مرة ؟
هل تتسائلين عن ما يحتاجة طفلك ؟
انا ايضا كنت كدة لحد ماعرفت وحبيت اقولكم عشان تعرفوا زى موافقين؟؟؟؟؟ هل انت ام لاول مره اذا اتفضلي معانا 85

تعالى نبتدى من الاول :
الهدوم:

الفانلات :عشان احنا فى الشتا هتعوزى عدد اكبر من الصيف وتعدد اكتر يعنى هتحتاجى 9 فانلات كت والاحسن انها تكون بكباسين من تحت عشان وانتى بتشيلية متعريش البطن والظهرو9 فانلات نص كم و9 فانلات بكم والتنوع دة كلة عشان البيبى بيبقى بردان جدا اكتر ممنا فلازم ندفى صدرة كويس ونلبسة كذا حاجة والعدد دة لانك متدمنيش هوة هيغير كام مرة لانة ممكن يرجع او مية تقع علية كل دة لازم تغيري لة فى الحال .
الكلوتات: مش هتحتاجيها فى الشتاء لاكن هتحتاجى بنطلونات وعدد البنطلونات هيكون حوالى 12 لان وانتى بتغيرى البامبرز ممكن البطلون يتوسخ فلازم تغيرية فهتلاقى انك بتغيرى البنطلون اكتر من باقى الهدوم .
السلبتات: دة بقى حسب مزاجك فى الانواع بس الحسن انك تجيبى نوعين نوع للبيت ودة بيكون مفتوح من الرجلين ورخيص ونوع للخروج ودة بيكون مقفول من الرجلين عشان برد الشارع ودة بيكون اغلى شوية وكل السلبتات بيكون معاها طواقى بس لوخلتية يلبس الطواقى خدى بالك متقلعهالوش طول الشتاء عشان البرد اوك .
فى كمان الشربات: للسلبتات المفتوحة هاتى المقاس الصغير خالص قولى للبائع حديث الولادة هوة شكلة صحيح صغير اوى لاكن متقلقيش لان رجل البيبى بتكون اصغر
البافتات: هية كمان هتحتاجى منها نوعين النوع العادى للبيت ودة رخيص هاتى منة مقاسات فية الصغير وفية الكبير هاتى حوالى 5 و5 لان البيبى بيوقع كتير قشط "دة حاجة بتخرج من فم البيبى لما يخلص رضاعة " ولما يرجع فلازم تعملى حسابك والنوع التانى للخروج ودى غالية لاكن لازم عشان ميبهدلش سالوبتات الخروج ويبل نفسة ودى بيكون شكلها احلى .
البامبرز : ودة طبعا ضرورى لاكن متشتريش منة كتير لان البيبى بيكبر بسرعة ويتخن خلال اول اسبوع فهاتى حوالى 20 واحدة لانة فى الاول هيغير حوالى خمس مرات فى اليوم .
نيجى بقى للملايات لازم تكون قطن 100% عشان جلد البيبى بيبقى حساس
والكوفرتة عشان البيت والبطانية عشان الشارع والبرد
كل دة بقى غير الببرونة هاتيها الحجم الصغير عشان هتديلوا فيهاالاعشاب فى الاول والتاتينة دة اذا كنتى عايزة تستعمليها لاكن انا شايفة انها هتسكت البيبى معظم الوقت وخدى بالك ان الحلمة بتاعتها تكون اصغر مقاس عشان فمة بيكون صغنون والحاجات دى محتاجة غسيل وتعقيم كويس .
كمان متنسيش الفرشة ودى بتكون ناعمة جدا للبيبى
كمان الشامبو واللوشن والكولونيا واحسن نوع هوا جونسون ولاكن فية نوع ارخص اسمة نونو ودة موجود فى الصيدليات وكويس بردة
وفية كمان شفاط الانف عشان البيبى يعرف يتنفس والمقص هاتيلو من الصيدلية المقص الخاص بحديثى الولادة
وخدى بالك انك هتحمية فى الاول بالاسفنجة لحد ما الحبل السرى يقع تبتدى تحمية فى بانيو حديثى الولادة

اما انتى بقى فهتحتاجى عدد لاباس بة من الالويز فية نوع كويس للامهات بعد الولادة هتلاقى مرسوم علية ام وبيبى ودى عشان الدم بيبقى غزير وهتحتاجى كمان الواقى بتاع الصدر عشان يمنع اللبن يوصل لهدومك ويبقعها
وكدة اعتقد ان دى كل حاجة تقدرى تستفيدى منها
هل انت ام لاول مره اذا اتفضلي معانا 13